საფეხურები

იყო და არა იყო რათი იწყება ზღაპრები.
წერილები მისალმებით.
ახლა არც ერთი გამომადგება და არც მეორე,
ერთი სიტყვა დამრჩა მხოლოდ სათქმელი
თუ ვთქვი, კიდეც კარგად არ მახსოვს,
მახსოვრობა მგელივით არ მაქვს, სასჯელივით ვატარებ და არ შემიძლია ვიყო ცოტათი მაინც მსუბუქი.
დედამიწისთვის მძიმე ვარ, და ჰაერისთვის მჩატე
და შემიძლია გავფრინავდე
ვითვლიდე ჰაერის საფეხურებს
ცამდე თორმეტია კიბე
სიშორის გაზომვა არ შემიძლია
სიშორე ცვალებადია
ხან ძალიან ახლოს ვარ ხან ძალიან შორს
ცამდე კი მანძილი არ იცვლება
თვალების ფერი შევიცვალა
ახლა სამყაროს უფრო მწვანე ფერი აქვს
მაგრამ უფრო წყლიანი
ვიდრე მქონდა ის აქამდე.
თორმეტი საფეხურია ცამდე.